ស្មាន​តែ​អ្នក​មុជទឹក​

អ្នក​មុជទឹក​ក្នុង​បាតសមុទ្រ​ម្នាក់​បាន​ពាក់​ជើង​ទា និង​បំពង់ខ្យល់​អុកស៊ីសែន​សម្រាប់​ដកដង្ហើម​ក្នុង​ទឹក រួច​បាន មុជ​ចុះ​ទៅ​ក្នុង​ទឹក​ជម្រៅ ១០​ម៉ែត្រ​។ ពេលនោះ​គាត់​បាន​ប្រទះឃើញ​បុរស​ម្នាក់​គ្មាន​ពាក់​ប្រដាប់ប្រដា​សម្រាប់ មុជទឹក​អ្វី​ទាំងអស់ ហើយ​មុជទឹក​ជ្រៅ​ដូច​គាត់​ដែរ​។ គាត់​បាន​មុជ​ទៅ​ជម្រៅ ១០​ម៉ែត្រ​ទៀត ស្រាប់តែ​គាត់ នៅតែ​ឃើញ​បុរស​នោះ​ដដែល​។​គាត់​ចាប់ផ្តើម​ឆ្ងល់​អំពី​ភាព​អស្ចារ្យ​ដែល​មនុស្ស​គ្មាន​ពាក់​ឧបករណ៍​មុជទឹក​អ្វី​សោះ​អាច​មុជទឹក​ក្នុង​ជម្រៅ​ដូច្នេះ​បាន​។ មិន​អស់ចិត្ត គាត់​បាន​មុជ​ចុះ​ថែម ១០​ម៉ែត្រ​ទៀត នៅតែ​ឃើញ​បុរស នោះ​មុជ​ដល់​ដដែល​។ ដោយ​ក្តីភ្ញាក់ផ្អើល​ពេក គាត់​បាន​ទាញ​ក្តារ​មក​សរសេរ​សួរថា​៖
អ្នក​មុជទឹក​៖​ ​តើ​ធ្វើ​ដូចម្តេច​ទើប​លោក​អាច​មុជ​ទឹកបាន​ជ្រៅ​យ៉ាងនេះ​ដោយ​មិន​មាន​ឧបករណ៍​សម្រាប់​ជំនួយ​អ្វី​សោះ​?
បុរស​នោះ​ក៏​កញ្ឆក់​ក្តារ​ពី​ដៃ​គាត់​ភ្លាម​ហើយ​សរសេរថា​៖
បុរស​៖​ ​អា​ចង្រៃយ៍ ម៉េច​សួរ​អញ​អីចឹង អញ​កំពុង​លង់ទឹក​។