និយាយដៀមដាម

គូ​ស្វាមីភរិយា​មួយគូ​ក្រោយពី​រៀបការ​រួច​បាន​ធ្វើដំណើរ​ទៅ​លេង​ស្រុកកំណើត​ខាង​ប្តី​តាមរយៈ​ឡានក្រុង ។ ក្រោយពេល​អង្គុយ​បាន​មួយសន្ទុះ ស្រាប់តែ​ស្រី្ត​ជា​ប្រពន្ធ​បាន​ស្តាប់​ឮ​អ្នក​អង្គុយ​កៅអី​ខាងក្រោយ​ដៀមដាម​ដាក់​គាត់​ថា បុរស​ម្នាក់​នឹង​មិន​សម​ណា​បាន​ប្រពន្ធ​មុខ​ចាស់​អញ្ចឹង​សោះ ។ ក្រោយពី​ស្តាប់​ឮ​ភ្លាម ស្ត្រី​ជា​ប្រពន្ធ​ខឹង​យ៉ាង​ខ្លាំង​រហូត​ដល់​ថ្នាក់​ចង់​ខ្យល់គរ គាត់​ដង្ហើម​ដង្ហក់​មួយៗ ឃើញ​ដូច្នេះ ស្ត្រី​ម្នាក់​ដែល​អង្គុយ​កៅអី​ខាង​មុខ​ក៏​ងាក​មក​សួរ​ថា “​បងស្រី បង​មានរឿង​អី​?” ស្ត្រី​ជា​ប្រពន្ធ​តប​ថា “​ខ្ញុំ​ឈឺចិត្ត​ណាស​! ព្រោះ​អ្នក​ខាងក្រោយ​ដៀមដាម​ដាក់​ខ្ញុំ​” ។ ឮ​ដូច្នេះ​អ្នកស្រី​ខាង​មុខ​នោះ​ងាក​មក​សួរ​បុរស​ជា​ប្តី​ដែល​អង្គុយ​ជិត​ថា “​ហេ​! អ្នក​កំលោះ ហេតុ​អ្វី​បណ្តោយ​អោយ​គេ​និយាយា​ដៀមដា​មដាក់​ម្តាយ​ខ្លួនឯង អញ្ចឹង​?” ស្ត្រី​ដែល​ជា​ប្រពន្ធ​ក៏​ធ្វើ​មុខ​ជ្រួញ​ដោយ​មិន​ដឹង​និយាយ​ថា​ម៉េច​ទៀត ។